നടുവിൽ ഹയർ സെക്കണ്ടറി സ്കൂളിൽ സൗഹൃദ ക്ലബ്ബിന്റെ ആഭിമുഖ്യത്തിൽ സൗഹൃദ ദിനം ആചരിച്ചു. ലോകാരോഗ്യ സംഘടന നിർദ്ദേശിക്കുന്ന പത്ത് ജീവിത നിപുണതകൾ (Life Skills) വിദ്യാർത്ഥികളെ പരിചയപ്പെടുത്തിക്കൊണ്ടുള്ള ക്ലാസ് സൗഹൃദ കോ-ഓർഡിനേറ്റർ സന്ധ്യ തോമസ് കൈകാര്യം ചെയ്തു. പ്രിൻസിപ്പൽ കെ.പി ദാമോദരൻ ഉദ്ഘാടനം ചെയ്ത ചടങ്ങിൽ അധ്യാപകരായ കൃഷ്ണപ്രിയ പി.കെ, സിന്ധു നാരായൺ മഠത്തിൽ എന്നിവർ സംസാരിച്ചു.
