നടുവിൽ ഹയർ സെക്കണ്ടറി സ്കൂളിൽ ലഹരി വിരുദ്ധ ദിനം ആചരിച്ചു. റേഞ്ചേഴ്സ് & റോവേഴ്സ്, വിമുക്തി ക്ലബ്ബ് എന്നിവയുടെ സംയുക്താഭിമുഖ്യത്തിൽ പോസ്റ്റർ രചന, ലഹരി വിരുദ്ധ പ്രതിജ്ഞ, സെമിനാർ തുടങ്ങിയ പരിപാടികൾ സംഘടിപ്പിച്ചു.
26 June 2024
24 June 2024
പ്ലസ് വൺ പ്രവേശനോത്സവം
നടുവിൽ ഹയർ സെക്കണ്ടറി സ്കൂളിൽ പ്ലസ് വൺ ക്ലാസ്സുകൾ ആരംഭിച്ചു. അസംബ്ലിയിൽ പ്രിൻസിപ്പാളിൻ്റെ നേതൃത്വത്തിൽ അധ്യാപകർ കുട്ടികളെ സ്വാഗതം ചെയ്ത് സംസാരിച്ചു. മധുരം നൽകി സ്വീകരിച്ചു. തുടർന്ന് NSS, CG & AC, Ranger & Rover യൂണിറ്റുകൾ അവരുടെ പ്രവർത്തനം വിശദീകരിച്ചു. പ്ലസ് വൺ വിദ്യാർഥികളുടെ രക്ഷിതാക്കളുടെ യോഗവും ഇന്ന് ചേർന്നു.
21 May 2024
Focus Point 24
നടുവിൽ ഹയർ സെക്കണ്ടറി സ്കൂൾ Career Guidance and Adolescent Counselling Cell ന്റെ ആഭിമുഖ്യത്തിൽ പത്താം ക്ലാസ് വിജയിച്ച കുട്ടികൾക്ക് ഹയർസെക്കണ്ടറി ഉൾപ്പെടെയുള്ള വിവിധ കോഴ്സുകൾ പരിചയപ്പെടുത്തുവാനും പ്രസ്തുത കോഴ്സുകളുടെ തുടർപഠന സാധ്യതകളെക്കുറിച്ച് അവബോധം നൽകുന്നതിനും ആയി Focus Point 24 എന്ന പേരിൽ ഓറിയന്റേഷൻ ക്ലാസ് നടത്തി. സ്കൂൾ മാനേജർ ബ്രിഗേഡിയർ ജഗദീഷ് ചന്ദ്രൻ(Rtd) ചടങ്ങ് ഉദ്ഘാടനം ചെയ്തു. പി.ടി.എ പ്രസിഡണ്ട് കൃഷ്ണൻ കൊട്ടിലക്കണ്ടി അധ്യക്ഷത വഹിച്ച ചടങ്ങിൽ പ്രിൻസിപ്പൽ സിന്ധു നാരായൺ മഠത്തിൽ, ഹെഡ്മാസ്റ്റർ ലതീഷ് കെ.കെ, സ്റ്റാഫ് സെക്രട്ടറി സുരേഷ് ജേക്കബ്, മദർ പി.ടി.എ പ്രസിഡന്റ് റജീന എ.ഇ എന്നിവർ സംസാരിച്ചു. കരിയർ ഗൈഡൻസ് കോർഡിനേറ്റർ ഹെലൻ കെ മാത്യു, ബിനേഷ് തോമസ് എന്നിവർ ക്ലാസുകൾ കൈകാര്യം ചെയ്തു.
10 May 2024
9 May 2024
Plus Two Result 2024
ഹയർ സെക്കണ്ടറി പരീക്ഷാഫലം ഇന്ന് മൂന്ന് മണിക്ക് പ്രസിദ്ധീകരിക്കും.
പരീക്ഷാഫലം അറിയുവാൻ സന്ദർശിക്കുക:
www.results.kite.kerala.gov.in
17 March 2024
26 February 2024
13 February 2024
26 January 2024
2 January 2024
NSS ക്യാമ്പ് സമാപിച്ചു
നടുവിൽ ഹയർ സെക്കണ്ടറി സ്കൂൾ നാഷണൽ സർവ്വീസ് സ്കീം യൂണിറ്റിന്റെ 2023-24 അധ്യയന വർഷത്തെ സപ്തദിന സഹവാസ ക്യാമ്പ് 'സമന്വയം 2023' സെന്റ് ജോർജ്ജ് ഹൈസ്കൂൾ, ചെമ്പന്തൊട്ടിയിൽ സമാപിച്ചു. 'മാലിന്യമുക്ത നാളേയ്ക്കായ് യുവകേരളം' എന്ന ആശയത്തിന് പ്രാധാന്യം നൽകി കൊണ്ടാണ് ഈ വർഷത്തെ ക്യാമ്പ് പ്രവർത്തനങ്ങൾ നടന്നത്. ഗ്രീൻ ക്യാൻവാസ്, സ്നേഹാരാമം, ഹരിതഗൃഹം പദ്ധതി- തുണി സഞ്ചി വിതരണം, സന്നദ്ധം: പ്രഥമ ശുശ്രൂഷ ബോധവൽക്കരണം നേതൃത്വ പരിശീലനം, കുട്ടികളിലെ സ്മാർട്ട്ഫോൺ ഉപയോഗം- ബോധവൽക്കരണ ക്ലാസ്, ലഹരി വിരുദ്ധ ബോധവൽക്കരണം, പോസ്റ്റർ പ്രദർശനം, സമദർശൻ: ലിംഗ സമത്വ ബോധവൽക്കരണം, ഭാരതീയം: ശാസ്ത്രീയാഭിരുചി, മാനവികത, അന്വേഷണത്വര, ആശയ സംവാദം തുടങ്ങിയ പ്രവർത്തനങ്ങൾ ക്യാമ്പിൽ നടന്നു. ഇരിക്കൂർ നിയോജക മണ്ഡലം എം.എൽ.എ സജീവ് ജോസഫ്, പ്രശസ്ത ചിത്രകാരനും കേരള ലളിതകല അക്കാദമി വൈസ് പ്രസിഡന്റുമായ എബി എൻ ജോസഫ്, എൻ.എസ്.എസ് കണ്ണൂർ ജില്ലാ കൺവീനർ ശ്രീധരൻ കൈതപ്രം, എൻ.എസ്.എസ് പി.എ.സി മെമ്പർമാർ തുടങ്ങിയവർ ക്യാമ്പ് സന്ദർശിച്ചു. ക്യാമ്പിന്റെ ഭാഗമായി വളണ്ടിയർമാർ മികച്ച പ്രവർത്തനം നടത്തി. എൻ.എസ്.എസ് പ്രോഗ്രാം ഓഫീസർ ദീപ എ.എം ക്യാമ്പിന് നേതൃത്വം നൽകി.
26 December 2023
NSS ക്യാമ്പ് ആരംഭിച്ചു
നടുവിൽ ഹയർ സെക്കണ്ടറി സ്കൂൾ നാഷണൽ സർവ്വീസ് സ്കീം യൂണിറ്റിന്റെ സപ്തദിന സഹവാസ ക്യാമ്പ് 'സമന്വയം 2023' സെന്റ് ജോർജ്ജ് ഹൈസ്കൂൾ, ചെമ്പന്തൊട്ടിയിൽ ആരംഭിച്ചു. ശ്രീകണ്ഠാപുരം മുൻസിപ്പൽ ചെയർപേഴ്സൺ ഡോ. കെ.വി ഫിലോമിന ക്യാമ്പ് ഉദ്ഘാടനം ചെയ്തു. നടുവിൽ ഹയർസെക്കണ്ടറി സ്കൂൾ പ്രിൻസിപ്പാൾ സിന്ധു നാരായൺ മഠത്തിൽ, വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ത്രേസ്യാമ്മ മാത്യു, വാർഡ് കൗൺസിലർ ജോസഫ് കൊന്നക്കൽ, സെന്റ് ജോർജ്ജ് ഹൈസ്കൂൾ ഹെഡ്മാസ്റ്റർ ബിജു സി അബ്രഹാം, സംഘാടക സമിതി ചെയർമാൻ ജിജോ ജേക്കബ്, എം.പി.ടി.എ പ്രസിഡന്റ് റജീന എ.ഇ, സെന്റ് ജോർജ്ജ് ഹൈസ്കൂൾ എം.പി.ടി.എ പ്രസിഡന്റ് പ്രീമ ചാക്കോ അധ്യാപകരായ ഷിനോ എം.സി, ദിലീപ് കുമാർ എൻ.എൻ, രാജേഷ് കെ.വി, പ്രോഗ്രാം ഓഫീസർ ദീപ എ.എം, യൂണിറ്റ് ലീഡർ ലിയോ കുര്യാക്കോസ് തുടങ്ങിയവർ ഉദ്ഘാടന ചടങ്ങിൽ സംസാരിച്ചു. ഇരിക്കൂർ എം.എൽ.എ സജീവ് ജോസഫ് ക്യാമ്പ് സന്ദർശിച്ചു.
'മാലിന്യമുക്ത നാളേയ്ക്കായി യുവകേരളം' എന്ന ആശയത്തിന് പ്രാധാന്യം നൽകി കൊണ്ടാണ് ഈ വർഷത്തെ ക്യാമ്പ് പ്രവർത്തനങ്ങൾ നടക്കുന്നത്. ഇതുമായി ബന്ധപ്പെട്ട് ഗ്രീൻ ക്യാൻവാസ് പ്രശസ്ത ചിത്രകാരനും കേരള ലളിതകല അക്കാദമി വൈസ് പ്രസിഡന്റുമായ എ.ബി.എൻ ജോസഫ് ചിത്രം വരച്ചുകൊണ്ട് ഉദ്ഘാടനം ചെയ്തു. ജർമൻ ഡിഫൻസ് ട്രെയിനറായ മൈക്കിൾ ഫ്രയദോർ ആത്മരക്ഷാ മാർഗങ്ങളെ കുറിച്ച് വളണ്ടിയർമാർക്ക് പരിശീലനം നൽകി. സ്നേഹാരാമം, ഹരിതഗൃഹം പദ്ധതി- തുണി സഞ്ചി വിതരണം, സന്നദ്ധം: പ്രഥമ ശുശ്രൂഷ ബോധവൽക്കരണം നേതൃത്വ പരിശീലനം, കുട്ടികളിലെ സ്മാർട്ട്ഫോൺ ഉപയോഗം- ബോധവൽക്കരണ ക്ലാസ്, ലഹരി വിരുദ്ധ ബോധവൽക്കരണം, പോസ്റ്റർ പ്രദർശനം, സമദർശൻ: ലിംഗ സമത്വ ബോധവൽക്കരണം, ഭാരതീയം: ശാസ്ത്രീയാഭിരുചി, മാനവികത, അന്വേഷണത്വര, ആശയ സംവാദം തുടങ്ങിയ പ്രവർത്തനങ്ങൾ ക്യാമ്പിൽ നടക്കും.