എസ്.എൽ.സി, ഹയർസെക്കണ്ടറി പരീക്ഷകളിൽ ഉന്നത വിജയം നേടിയ വിദ്യാർത്ഥികളെയും, യു.എസ്.എസ്, NMMS സ്കോളർഷിപ്പ് വിജയികളെയും മൊമെൻ്റോയും എൻഡോവ്മെൻ്റും നൽകി പി.ടി.എ യുടെയും സ്റ്റാഫിൻ്റെയും നേതൃത്വത്തിൽ അനുമോദിച്ചു. നടുവിൽ ഗ്രാമപഞ്ചായത്ത് പ്രസിഡൻ്റ് മോളി സജി 'വിജയോത്സവം 2026' ഉദ്ഘാടനം ചെയ്തു. സൗത്ത് ഏഷ്യൻ സോഫ്റ്റ് ബേസ് ബോൾ ചാമ്പ്യൻഷിപ്പിൽ കിരീടം നേടിയ ഇന്ത്യൻ ടീമിൽ അംഗമായ പൂർവ വിദ്യാർത്ഥി ആൽബർട്ട് കെ ജോണിനെയും ഇന്ത്യ ബുക്ക് ഓഫ് റെക്കോർഡിൽ ഇടം നേടിയ വിദ്യാർത്ഥി ശ്രേയ ജയനെയും ചടങ്ങിൽ ആദരിച്ചു. സ്കൂൾ പ്രിൻസിപ്പാൾ കെ രഞ്ജിനി, വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ജോമോൾ ജിൽസാദ്, വാർഡ് മെമ്പർ പി.പി മുസ്തഫ, ഹെഡ്മാസ്റ്റർ കെ.കെ ലതീഷ്, പി.ടി.എ പ്രസിഡൻ്റ് സി.എച്ച് ഷംസുദ്ധീൻ, നടുവിൽ എ.എൽ.പി സ്കൂൾ ഹെഡ്മിസ്ട്രസ് എൻ ഷീന, മുൻ പ്രിൻസിപ്പാൾ സിന്ധു നാരായൺ മഠത്തിൽ, എം.പി.ടി.എ പ്രസിഡൻ്റ് എ.ഇ റജീന, ആൽബർട്ട് കെ ജോൺ, അധ്യാപകരായ ബിനേഷ് തോമസ്, ബി ശിഹാബുദ്ദീൻ എന്നിവർ സംസാരിച്ചു.
