കുടിയാൻമല പോലീസ്, നടുവിൽ ഹയർ സെക്കണ്ടറി സ്കൂൾ ആന്റി നാർകോട്ടിക് ക്ലബ്, നാഷണൽ സർവ്വീസ് സ്കീം, സ്കൗട്ട് യൂണിറ്റ് എന്നിവയുടെ നേതൃത്വത്തിൽ ലഹരിവിരുദ്ധ ബോധവൽക്കരണ റാലി നടത്തി. കുടിയാൻമല പോലീസ് ഇൻസ്പെക്ടർ മെൽബിൻ ജോസ് പരിപാടി ഉദ്ഘാടനം ചെയ്തു. പ്രിൻസിപ്പാൾ കെ രഞ്ജിനി, അസിസ്റ്റൻറ് സബ് ഇൻസ്പെക്ടർ സുനിൽ, ജനമൈത്രി ബീറ്റ് പോലീസ് ഓഫീസർ ടി.വി പ്രകാശൻ, ആൻറി നാർകോട്ടിക് ക്ലബ് കോ-ഓർഡിനേറ്റർ ഷിനോ എം.സി, എൻ.എസ്.എസ് പ്രോഗ്രാം ഓഫീസർ ദീപ എ.എം, സ്കൗട്ട് മാസ്റ്റർ മോഹനൻ കെ.വി തുടങ്ങിയവർ പ്രവർത്തനത്തിന് നേതൃത്വം നൽകി. നാഷണൽ സർവ്വീസ് സ്കീം വളണ്ടിയർമാർ ലഹരി വിരുദ്ധ ബോധവൽക്കരണത്തിന്റെ ഭാഗമായി ഫ്ലാഷ് മോബ് അവതരിപ്പിച്ചു. സ്കൗട്ട് യൂണിറ്റ് അംഗങ്ങൾ ലഹരി വിരുദ്ധ സന്ദേശങ്ങളടങ്ങിയ ലഘുലേഖകൾ വിതരണം ചെയ്തു.
