നടുവിൽ ഹയർ സെക്കണ്ടറി സ്കൂൾ നാഷണൽ സർവ്വീസ് സ്കീം യൂണിറ്റിന്റെ സപ്തദിന സഹവാസ ക്യാമ്പ് 'ഉണർവ്വ് 2024' സെന്റ് ജോസഫ് യു.പി സ്കൂൾ, പുലിക്കുരുമ്പയിൽ സമാപിച്ചു. സമാപന സമ്മേളനത്തിൽ നടുവിൽ ഹയർസെക്കണ്ടറി സ്കൂൾ പ്രിൻസിപ്പാൾ സിന്ധു നാരായൺ മഠത്തിൽ, എസ്. ജെ.യു.പി സ്കൂൾ ഹെഡ്മിസ്ട്രസ് ബിജി കെ ജോൺ, എൻ.എസ്.എസ് പ്രോഗ്രാം ഓഫീസർ ദീപ എ.എം,അധ്യാപകരായ ദിലീപ് കുമാർ എൻ.എൻ, സന്ദീപ് അലക്സ് , ബിനേഷ് തോമസ്, ഹെലൻ കെ മാത്യു, വളണ്ടിയർ ലീഡർമാരായ ആൽഫിന ജോർജ്ജ്, ഹാദി സി.കെ തുടങ്ങിയവർ സംസാരിച്ചു. ക്യാമ്പിലെ മികച്ച വളണ്ടിയർമാരായി ദിയ കെ രാജ്, മുഹമ്മദ് സ്വാലിഹ് എന്നിവർ തിരഞ്ഞെടുക്കപ്പെട്ടു. മുഴുവൻ വളണ്ടിയർമാർക്കും മെമൻ്റോ വിതരണം ചെയ്തു. ക്യാമ്പിന് വേദി നൽകിയ പുലിക്കുരുമ്പ സെൻ്റ് ജോസഫ് യു.പി സ്കൂളിനുള്ള ഉപഹാരം ഹെഡ്മിസ്ട്രസ്സിന് കൈമാറി.
2024 ഡിസംബർ 21ന് എം.എൽ.എ സജീവ് ജോസഫ് ക്യാമ്പ് ഉദ്ഘാടനം ചെയ്തു. സുസ്ഥിര വികസനത്തിനായി എൻ.എസ്.എസ് യുവത' എന്നതായിരുന്നു ഈ വർഷത്തെ ക്യാമ്പിന്റെ മുഖ്യ ആശയം. സുകൃത കേരളം, ലീഡർഷിപ്പ് പരിശീലനം, തദ്ദേശീയം, മൂല്യനിർമ്മാണം സൃഷ്ടിപരതയിലൂടെ, ഡിജിറ്റൽ ലിറ്ററസി & ഡിജിറ്റൽ ഹൈജീൻ, സുസ്ഥിര ജീവിതശൈലി, ഹരിത സമൃദ്ധി, സ്നേഹ സന്ദർശനം, ശുചീകരണ പ്രവർത്തനങ്ങൾ, സത്യമേവ ജയതേ, ആർച്ച: പെൺകുട്ടികൾക്കുള്ള സ്വയം പ്രതിരോധ പരിശീലന പരിപാടി, പുസ്തക പയറ്റ്, സന്നദ്ധം: പ്രഥമ ശുശ്രൂഷ പരിശീലന പരിപാടി തുടങ്ങിയ പ്രവർത്തനങ്ങൾ ക്യാമ്പിൽ നടന്നു. ക്യാമ്പ് പ്രവർത്തനങ്ങളുമായി സഹകരിച്ച എല്ലാവർക്കും നന്ദി...
