റേഞ്ചേഴ്സ് & റോവേഴ്സ്: ക്യാമ്പ്

നടുവിൽ ഹയർസെക്കൻ്ററി സ്കൂൾ റേഞ്ചേഴ്സ് ആൻഡ് റോവേഴ്സ് യൂണിറ്റിന്റെ ത്രിദിന വാർഷിക ക്യാമ്പ് സ്കൂളിൽ സംഘടിപ്പിച്ചു. തളിപ്പറമ്പ നോർത്ത് ഉപജില്ലാ വിദ്യാഭ്യാസ ഓഫീസർ കെ മനോജ് ക്യാമ്പ് ഉദ്ഘാടനം ചെയ്തു. പ്രിൻസിപ്പാൾ സിന്ധു നാരായൺ മഠത്തിൽ, പി.ടി.എ പ്രസിഡൻ്റ് സി.എച്ച് ഷംസുദ്ദീൻ, എം.പി.ടി.എ പ്രസിഡന്റ് എ.ഇ റജീന, സ്റ്റാഫ് സെക്രട്ടറി കെ രഞ്ജിനി എന്നിവർ ഉദ്ഘാടന ചടങ്ങിൽ പങ്കെടുത്തു. റേഞ്ചർ ലീഡർ പി.കെ കൃഷ്ണപ്രിയ, റോവർ സ്കൗട്ട് ലീഡർ സുമേഷ് കെ തോമസ്, റോവർ സ്കൗട്ട് ലീഡർ പി.പി ആകാശ്, ഗൈഡ് ക്യാപ്റ്റൻ എ.വി രശ്മി എന്നിവർ ക്യാമ്പിന് നേതൃത്വം നൽകി. ക്യാമ്പിൻ്റെ ഭാഗമായി പ്രഥമ ശുശ്രൂഷ, ലാഷിങ്ങ്, മാപ്പിങ്ങ്, പയനീർ പ്രവർത്തനങ്ങളിലേക്കായി പരിശീലനം നൽകി.

ബോധവൽക്കരണ ക്ലാസ് സംഘടിപ്പിച്ചു

നടുവിൽ ഹയർസെക്കണ്ടറി സ്കൂൾ സൗഹൃദ ക്ലബിൻ്റെ നേതൃത്വത്തിൽ പ്ലസ് വൺ വിദ്യാർത്ഥികൾക്കായി പ്രശസ്ത കൗൺസലറും സൈക്കോതെറാപ്പിസ്റ്റുമായ പ്രദീപ് മാലോത്ത് മാനസിക ആരോഗ്യം എന്ന വിഷയത്തെ അടിസ്ഥാനമാക്കി ക്ലാസെടുത്തു. 'അറിഞ്ഞ് വളരാം മക്കളോടൊപ്പം' എന്ന വിഷയത്തിൽ രക്ഷിതാക്കൾക്കായി ബോധവൽക്കരണ ക്ലാസ്സും സംഘടിപ്പിച്ചു. പ്രിൻസിപ്പാൾ സിന്ധു നാരായൺ മഠത്തിൽ, സൗഹൃദ ക്ലബ് കോഡിനേറ്റർ സന്ധ്യ തോമസ്, സ്റ്റാഫ് സെക്രട്ടറി കെ രഞ്ജിനി എന്നിവർ സംസാരിച്ചു.

ജീവിതോത്സവം തുടങ്ങി

കൗമാരക്കാരായ വിദ്യാർത്ഥികളുടെ സർഗശേഷിയും ഊർജവും അഭിലഷണീയമായ പുതുവഴികളിലൂടെ പ്രസരിപ്പിച്ച് സമൂഹത്തിന് ഗുണകരമാക്കിത്തീർക്കാൻ ലക്ഷ്യമിട്ട് ഹയർസെക്കൻ്ററി നാഷണൽ സർവ്വീസ് സ്കീം നടപ്പാക്കുന്ന പദ്ധതിയായ ‘ജീവിതോത്സവം 2025’ ന് നടുവിൽ ഹയർസെക്കൻ്ററി സ്കൂളിൽ തുടക്കമായി. ജില്ലാ പഞ്ചായത്ത് പ്രസിഡൻ്റ് അഡ്വ. കെ.കെ രത്നകുമാരി പദ്ധതി ഉദ്ഘാടനം ചെയ്തു. ജില്ലാ പഞ്ചായത്ത് മെമ്പർ ടി.സി പ്രിയ, പ്രിൻസിപ്പാൾ സിന്ധു നാരായൺ മഠത്തിൽ, പി.ടി.എ പ്രസിഡൻ്റ് സി.എച്ച് ഷംസുദ്ദീൻ, പ.ടി.എ വൈസ് പ്രസിഡൻ്റ് കെ നിസാർ, സ്റ്റാഫ് സെക്രട്ടറി കെ രഞ്ജിനി, വളൻ്റിയർ ബി റവാദ് എന്നിവർ ചടങ്ങിൽ സംസാരിച്ചു. പ്രോഗ്രാം ഓഫീസർ സന്ദീപ് അലക്സ് പദ്ധതി വിശദീകരണം നടത്തി. ഒപ്പുമരം, ചങ്ങാത്തംകൂടാം, ഏകദിന ഡിജിറ്റൽ ഉപവാസം, പുസ്തകത്തിന്റെ ആത്മാവുതേടി, ഒരുക്കാം ആഹ്ളാദച്ചുവടുകൾ, ലഹരിവിരുദ്ധ ചിത്രമതിൽ തുടങ്ങി 21 ദിന ചലഞ്ചുകളാണ് കുട്ടികളും പൊതുസമൂഹവും ഏറ്റെടുക്കുന്നത്.

സംഘാടക സമിതി ഓഫീസ് ഉദ്ഘാടനം ചെയ്തു

തളിപ്പറമ്പ നോർത്ത് ഉപജില്ല സ്കൂൾ കലോത്സവത്തിന്റെ സംഘാടകസമിതി ഓഫീസ് നടുവിൽ ഹയർസെക്കൻ്ററി സ്കൂളിൽ ജില്ലാ പഞ്ചായത്ത് പ്രസിഡൻ്റ് അഡ്വ. കെ.കെ രത്നകുമാരി ഉദ്ഘാടനം ചെയ്തു. ജില്ലാ പഞ്ചായത്ത് മെമ്പർ ടി.സി പ്രിയ, നടുവിൽ പഞ്ചായത്ത് വൈസ് പ്രസിഡൻറ് സി.എച്ച് സീനത്ത്, പ്രിൻസിപ്പാൾ സിന്ധു നാരായൺ മഠത്തിൽ, ഹെഡ്മാസ്റ്റർ കെ.കെ ലതീഷ്, നടുവിൽ എ.എൽ.പി സ്കൂൾ പ്രധാനാധ്യാപിക എൻ ഷീന, പി.ടി.എ പ്രസിഡൻ്റ് സി.എച്ച് ഷംസുദ്ദീൻ, എം.പി.ടി.എ പ്രസിഡന്റ് എ.ഇ റജീന, നടുവിൽ എ.എൽ.പി സ്കൂൾ പി.ടി.എ പ്രസിഡൻ്റ് കെ.പി സബീഷ്, എം പി.ടി.എ പ്രസിഡൻ്റ് വി മുഹ്സിന എന്നിവർ സംസാരിച്ചു. ഒക്ടോബർ 27 മുതൽ 30 വരെ നടുവിൽ ഹയർ സെക്കൻ്ററി സ്കൂളിലാണ് തളിപ്പറമ്പ നോർത്ത് ഉപജില്ല സ്കൂൾ കലോത്സവം നടക്കുക.

സ്കൂഫെ ഉദ്ഘാടനം

നടുവിൽ ഹയർസെക്കൻ്ററി സ്കൂളിൽ സ്കൂഫേ ആരംഭിച്ചു. ജില്ലാ പഞ്ചായത്ത് പ്രസിഡൻറ് അഡ്വ. കെ.കെ രത്നകുമാരി ഉദ്ഘാടനം ചെയ്തു. ജില്ലാ പഞ്ചായത്ത് മെമ്പർ ടി.സി പ്രിയ, നടുവിൽ പഞ്ചായത്ത് വൈസ് പ്രസിഡൻറ് സി.എച്ച് സീനത്ത്, പ്രിൻസിപ്പാൾ സിന്ധു നാരായൺ മഠത്തിൽ, ഹെഡ്മാസ്റ്റർ കെ.കെ ലതീഷ്, നടുവിൽ എ.എൽ.പി സ്കൂൾ പ്രധാനാധ്യാപിക എൻ ഷീന, പി.ടി.എ പ്രസിഡൻ്റ് സി.എച്ച് ഷംസുദ്ദീൻ, എം.പി.ടി.എ പ്രസിഡന്റ് എ.ഇ റജീന, നടുവിൽ എ.എൽ.പി സ്കൂൾ പി.ടി.എ പ്രസിഡൻ്റ് കെ.പി സബീഷ്, എം പി.ടി.എ പ്രസിഡൻ്റ് വി മുഹ്സിന എന്നിവർ ചടങ്ങിൽ പങ്കെടുത്തു. ജില്ലാ പഞ്ചായത്തിൻ്റെ വാർഷിക പദ്ധതിയിൽ ഉൾപ്പെടുത്തി സ്കൂളുകളിൽ നടപ്പിലാക്കുന്ന കഫേ അറ്റ് സ്കൂൾ പദ്ധതിയുടെ ഭാഗമായാണ് സ്കൂഫെ ആരംഭിച്ചത്. കുട്ടികൾക്ക് ശുദ്ധവും ഗുണനിലവാരം ഉള്ളതുമായ ഭക്ഷണപദാർത്ഥങ്ങൾ, ആവശ്യമായ പഠനോപകരണങ്ങൾ എന്നിവ സ്കൂൾ ക്യാമ്പസിനുള്ളിൽ ലഭ്യമാക്കുക എന്ന ലക്ഷ്യത്തോടെ കുടുംബശ്രീയുടെ നേതൃത്വത്തിൽ ആരംഭിച്ച പദ്ധതിയാണ് സ്കൂഫെ.

 

അഭിനന്ദനങ്ങൾ

ഓസോൺ ദിനം: ക്വിസ് മത്സരം

സെപ്റ്റംബർ 16 ഓസോൺ ദിനത്തോടനുബന്ധിച്ച് നടുവിൽ ഹയർ സെക്കൻ്ററി സ്കൂൾ നാഷണൽ സർവ്വീസ് സ്കീം യൂണിറ്റിന്റെ നേതൃത്വത്തിൽ ക്വിസ് മത്സരം സംഘടിപ്പിച്ചു.

ഒന്നാം സ്ഥാനം:

ശ്രീലക്ഷ്മി ടി.സി 

(+1 ഹ്യൂമാനിറ്റീസ്)

രണ്ടാം സ്ഥാനം:

അഭിരാം കെ.വി 

(+1 സയൻസ്)

മത്സരത്തിൽ പങ്കെടുത്തവർക്കും വിജയികൾക്കും അഭിനന്ദനങ്ങൾ...